2 ບໍລິສັດຮ່ວມພັດທະນາລົດສູ້ຮົບແບບໃໝ່
ສຳນັກຂ່າວໜັງສືພິມກອງທັບປະຊາຊົນຫວຽດນາມ ລາຍງານວ່າ: ບໍລິສັດ ຣີໂອນາຣໂດ (Leonardo) ແລະ ເຣນມີທອລ (Rheinmetall)
ໄດ້ຮ່ວມກັນລົງນາມໃນບົດບັນທຶກຄວາມເຂົ້າໃຈ ເພື່ອເປັນຄູ່ຮ່ວມມືໃນການຜະລິດອາວຸດຂົງເຂດປ້ອງກັນຊາດແບບໃໝ່. ການຮ່ວມມືຄັ້ງນີ້, ມີຈຸດ
ປະສົງເພື່ອພັດທະນາຍານພາຫະນະໃໝ່ ໂດຍແມ່ນລົດສູ້ຮົບ Lynx. ທັງສອງບໍລິສັດແມ່ນເປັນຜູ້ຮັບເໝົາສຳລັບໂຄງການຂອງອີຕາລີ ທີ່ກ່ຽວກັບ
ໂຄງການຜະລິດລົດຕັງ. 2 ບໍລິສັດນີ້, ຈະວາງແຜນເຂົ້າຮ່ວມໃນໂຄງການລະບົບການຕໍ່ສູ້ພາກພື້ນດິນຂອງເອີຣົບ (MGCS) ໃນອະນາຄົດ. ສ່ວນບໍ
ລິສັດ ຣີໂອນາຣໂດ ຈະດຳເນີນການພັດທະນາ ແລະ ການຜະລິດລະບົບເອເລັກໂຕຣນິກ ແລະ ການເຊື່ອມໂຍງອາວຸດຕາມຄວາມຕ້ອງການຂອງຜູ້ສັ່ງ
ຊື້, ເຕັກໂນໂລຊີເຫຼົ່ານີ້ຈະເປັນພື້ນຖານໃຫ້ແກ່ລົດຕັງລຸ້ນໃໝ່ຂອງເອີຣົບໃນອະນາຄົດ ສຳລັບວາງຂາຍໃນຕະຫຼາດສາກົນ.
ຂະນະດຽວກັນ, ເຣນມີທອລ ຈະສະໜອງເຕັກໂນໂລຊີຫຼັກ ສຳລັບບັນດາໂຄງການ. ສຳລັບການຮ່ວມມື ຂອງ 2 ບໍລິສັດ ສະໜອງເຕັກໂນໂລຊີ
ດ້ານການປ້ອງກັນຊັ້ນນຳຂອງເອີຣົບ ແມ່ນມີຈຸດປະສົງເພື່ອກຳນົດມາດຕະຖານ ໃໝ່ ແລະ ນຳພາການພັດທະນາເຄື່ອງຈັກທີ່ທັນສະໄໝຂອງເອີຣົບ,
ແນໃສ່ຕະຫຼາດເອີຣົບ ແລະ ປະເທດຄູ່ຮ່ວມມືຕ້ອງປັບປຸງລະບົບການທະຫານ ແລະ ການຕໍ່ສູ້ຂອງພວກເຂົາໃຫ້ທັນສະໄໝຂຶ້ນຕື່ມ.
ແຫຼ່ງທີ່ມາ: ໜັງສືພິມກອງທັບ
ວັນທີ 08/07/2024